Nær tredobling for Trips of Norway

Trips of Norway som har vekse på transportoppdrag for filmselskap på besøk i Norge, fekk rekordhøge inntekter i fjor.

Meir enn 17 millionar kroner i omsetning er nær ei tredobling frå året før, då selskapet hadde ei kraftig oppbremsing i kjølvatnet av eit godt år i 2020.

Lønnsemda fekk seg likevel ein knekk i fjor med eit underskot før skatt på nær 900.000 kroner (sjå tabell under).

Det er første gong den familieeigde bedrifta får minustal på botnlinja sidan oppstartsåret 2018.

Eigenkapitalen i selskapet blei difor svekka og var på drygt 600.000 kroner ved utgangen av 2022. Selskapet har ikkje langsiktig gjeld.

Giske-bedrifta hadde fem årsverk i arbeid i fjor.