Oljemotstandarar organiserer seg

NPK-NTB: Folkeaksjonen Oljefritt Lofoten inviterer til stiftingsmøte for eit nytt lokallag i Stavanger, i hjarta av Olje-Noreg.
Organisasjonen er imot oljeleiting i Lofoten, Vesterålen og Senja, ofte omtalt som LoVeSe, og allereie før møtet i Stavanger i slutten av månaden, skal initiativtakarane i aksjon når Arbeidarpartiet samlar seg til landsmøte i helga. Dei trur Ap sitter på nøkkelen til vern i nord, skriv Stavanger Aftenblad.
– Arbeidarpartiet er vippepartiet. Derfor stiller vi sterkt på landsmøtet deira i Oslo i morgon, for å overtyde flest mogleg, seier leiar Hans Dahle Kvadsheim i Natur og Ungdom Rogaland og Jasmin Alimari i Naturvernstudentene i Stavanger. Etter ein svipptur til hovudstaden, skal dei fortsette oljekampen på heimebane, og det er inga enkel oppgåve,
– I oljehovudstaden møter vi sterkare motstand enn andre stadar, seier Kvadsheim.
– Samtidig ser vi tydeleg at engasjementet og motstanden mot oljeutvinning i Lofoten aukar, også i Rogaland. Det er på høg tid med eit eige lokallag, seier Alimari.
Naturvernforbundets leiar Silje Ask Lundberg og Wenche Cummings frå Folkeaksjonen er hovudinnleiarar på stiftingsmøtet på Sølvberget Kulturhus 27. april.