NPK: Fiskeridirektoratet opplyser at dei følgjer opp to saker med rømt regnbogeaure. Ei sak i Vindafjord i Rogaland og ei i Norddalsfjorden på Sunnmøre.

Osland Stamfisk melde 11. oktober om rømming frå anlegget i Skigelstrand i Vindafjord. Det skal ha skjedd i samband med levering av fisk til slakting. Selskapet har fanga 127 regnbogeaure i gjenfangstgarna sine, og fisken har ei snittverk på i underkant av fire kilo.

Hofseth Aqua sende 5. oktober inn rømmingsmelding etter å ha blitt tipsa om fangst av regnbogeaure av fritidsfiskarar ved Tafjord i Norddalsfjorden. Dei har fanga inn igjen 51 fiskar sjølve, og fisken har ei snittvekt på om lag fire kilo.

Årsaka til rømminga i Norddalsfjorden er ikkje klar.

Fiskeridirektoratet vil gjerne ha tips frå fiskarar som har fått regnbogeaure i desse to områda.