Skal sjekke fisketrivsel

Akvaplan-niva og Equinor brukar ein ubemanna seglbåt for å finne ut korleis fisken trivst ved flytande vindturbinar.

Ein ubemanna seglbåt på to meter, ein såkalla glidar, skal krysse Nordsjøen og segle om lag 20 dagar til havvindparken Hywind Scotland. I om lag ein månad skal båten samle inn datamateriale for å kartlegge kor godt fisk og anna liv i havet trivst rundt dei flytande vindturbinane, skriv E24. Det er Equinor som har sett i verk undersøkinga.

– Det er viktig at vi får fakta om korleis havvind påverkar livet i havet. Og så er det fantastisk at det finst teknologi som gjer mogleg denne type seglas, seier Hanne Wigum, som leiar teknologieininga som jobbar med vindkraft i Equinor, til E24.