Stor gjeld etter byggkonkurs

Byggefirmaet Inno-Entreprenør AS med 51 tilsette er konkurs med ei gjeld på 32,5 millionar kroner, ifølgje Sunnmørsposten.

Selskapet er registrert i Oslo, men verksemda skjer frå Ålesund, der firmaet har adresse.

Bustyrar Leif Peter Madsen fortel at firmaet fekk problem grunna korona, og har hatt utfordringar med å få nye jobbar. Også auka materialkostnader har påverka drifta, skriv avisa.

Dei fleste tilsette er frå Litauen, der firmaet har lagd prefabrikkerte hus.

To store byggeprosjekt i Trondheim og Melhus, i tillegg til bygging av nokre privatbustader, blir råka av konkursen, ifølgje avisa.