Ulstein sjøsette milliardskip

Før helga blei kabelskipet Nexans Electra sjøsett frå dokkhallen ved Ulstein Verft. 

Når skipet no har blitt flytta frå dokkhallen til utrustingskaia, er det eitt steg nærare klargjering til skipet skal spele ei nøkkelrolle for Nexans arbeidet med å legge undersjøiske kablar, skriv verftet i ei pressemelding. 

Fartøyet nærmar seg slutten av utrustingsfasen, som har inkludert installasjon av kritiske system som hovudgeneratorar, kraftpakke, dekksmaskineri og dekksutstyr. 

Sjøsettinga markerer starten på ferdigstillinga med dei siste installasjonane og målingsarbeidet, før alle system skal testast og justerast fram mot prøvetur våren 2026, heiter det vidare i meldinga. 

Verdien på kontrakten er ikkje opplyst, men ligg langt over milliarden – og kanskje to. Om bord blir det mellom anna plass til 13,500 tonn kablar fordel på fire karusellar.