Ingvill Arhaug Bovill

Ingvill Arhaug Bovill tek over som ny dagleg leiar i Sporstøl Arkitekter, etter Bjørnar Sporstøl.

– Eg har hatt Sporstøl Arkitekter som ein fantastisk arbeidsplass i over 20 år, og ser fram å få vere med på å fortsette å utvikle kontoret vidare. Det er mykje spennande som skjer i nærområdet vårt og vi ser lyst på framtida, uttaler Bovill i ei melding frå selskapet med base i Ulsteinvik.

Ho er utdanna sivilarkitekt frå NTNU og har vore fagleiar for Arkitektur i firmaet i fleire år. Ho kjenner faget, prosjekta, kundane, samarbeidspartnarar og dei tilsette godt, heiter det vidare.

Sporstøl Arkitekter As vart starta i 1991 av Roald Sporstøl som ei familiebedrift, der Roald, Kristian, Arnfinn og Bjørnar Sporstøl har stått for den daglege drifta fram til no.

Bjørnar Sporstøl skal halde fram i selskapet som fagleiar innan planarbeid og i tillegg ha administrative oppgåver.