40 millionar i minus for Ava Ocean

Ideen til Ava Ocean er å sanke skjel frå havbotnen ved hjelp av ein eigenutvikla metode som erstattar tradisjonell botnskraping og i staden plukkar skjela.

Haneskjelfisket har vore stengt sidan 90-talet, men Ava Ocean sin nye metode bidro til at selskapet fekk gjenopna fisket og kunne dra på sin første tur i Barentshavet i slutten av 2022.

2023 var første heile driftsåret for selskapet.

Inntektene auka til 107 millionar kroner (av dei 17 millionar kroner i offentlege tilskot). Underskotet auka også, til 40,3 millionar kroner (sjå tabell).

Dagleg leiar Øystein Tvedt seier i ei tekstmelding at selskapet er godt fornøgd med fangsten og fangstkapasiteten. Samstundes pådro selskapet seg store oppstartkostnadar, som ein må rekne med når ein driv nybrottsarbeid midt i Barentshavet, skriv han. I 2024 prioriterer selskapet å få dei kostnadane ned.

Internasjonalt investeringsfond
Gjennom ein av fleire kapitalutvidingar i 2023 blei det utanlandske investeringsfondet Ocean 14 Capital Fund i S.C.S.P største aksjonær, med 19,3 prosent av aksjane.

Det norske inveesteringsfondet Norselab I Tau eig 19,1 prosent. Tredhje og fjerde største eigar ar Hofseth International (14,1 prosent) og Jan Rognes selskap Moffen Invest (10,1 prosent).

Ava Ocean har i alt 35 eigarar.

Bygde om offshorebåt
Fisket foregår med Arctic Pearl, eit ombygd offshorefartøy.

Fartøyet vart bygd om på Fiskerstrand Verft og døypt i november 2022.

Selskapet sysselsette 55 årsverk i fjor.