Sjå det nye cruiseskipet bli sjøsett på Ulstein

Saka er oppdatert med nye bilde onsdag ettermiddag - sjå dei under

Tysdag blei ein merkedag ved Ulstein Verft med både skipsdåp og sjøsetting same dag.

Først på dagen blei kabelskipet Nexans Aurora døypt med Anne-Lise Aukner, tidlegare Nexans-direktør, som gudmor.

Det 149,9 meter lange skipet har plass til 10.000 tonn med kablar om bord, og skal ut i arbeid med å eksportkablar for havvindparkar og mellomlandsforbindingar over heile verda, opplyser Ulstein Group i ei melding.

(saka held fram under)

Sjøsette milliardskip
Seinare tysdag blei det neste cruiseskipet til Lindblad Expeditions teke ut av dokkhallen og sett på vatnet. X-Bow-skipet vil få namnet National Geographic Resolution.

Systerskipet, National Geographic Endurance, skal ha kosta kring 1,2 milliardar kroner. Truleg er den noko høgare for skip nummer to, som skal vere klart til levering frå verftet i løpet av året.

Oppdrag for Island Offshore
I sommar har Ulstein Verft også sikra seg arbeid med oppgradering og vedlikehald av brønnstimuleringsskipet Island Centurion til det lokale reiarlaget Island Offshore.

Oppdraget er berekna til om lag tre veker, med oppstart om kort tid. Tidlegare er det opplyst at Island Offshore-skipet vil bli teke inn i dokkhallen i løpet av eit par dagar.

Sjå bilda frå sjøsettinga: