Ei rekke lokale leverandørar om bord

Aas Mek Verksted i Vestnes har levert ein ny brønnbåt til reiarlaget Brønnbåt Nord.

MS Grotanger er 76 meter lang og eit brønnvolum på 3000 kubikkmeter. Reiarlaget som held til i Ibestad kommune, har også to brønnbåtar frå Aas i flåten frå før.

Om bord i den nye båten er ein rekke leveransar frå Nordvestlandet.

MMC First Process har mellom anna levert laste og lossesystem og to sorteringsmaskinar er i stand til å handtere opp til 300 tonn fisk i timen.

Hovudmotorane kjem frå Wärtsilä, men gir og sidepropellar kjem frå Brunvoll i Volda og Molde og styresystemet kjem frå Kongsberg Maritime i Ålesund.

Nogva Motorfabrikk i Søvika har levert nød- og hamneaggregat, toaletta kjem frå Jets Vacuum på Hareid og mobbåten er levert av Maritime Partner i Ålesund.

Innreiingsarbeidet er det Molde-selskapet R & M Ship Interior som står for. Det elektriske kjem frå O.Øverland i Molde og Vik Elektro i Tomrefjord.

Mellom andre lokale leverandørar på lista finn vi Normex i Ålesund, Libra-Plast på Hareid og Robinet i Ulsteinvik.