Feriesenter gjekk i pluss på drifta
Koronaåret enda likevel med dei lågaste inntektene på fem år på Grande i Geirangerfjorden.
Ei omsetning på drygt fire millionar er dei lågaste inntektene Geirangerfjorden Feriesenter har hatt sidan 2015.
Likevel enda koronaåret opp med eit rekneskap om lag i balanse.
Eit driftsresultat på marginale 12.000 kroner og eit resultat før skatt på 19.000 kroner, er betre enn året i forvegen (sjå tabell under).
Finn Magne Grande eig selskapet som blei stifta 2012, men det har vore campingplass på Grande i fleire generasjonar. Gardsdrifta blei lagt ned på 1970-talet og dagens eigar tok over i 1999.
| Geirangerfjorden Feriesenter AS | ||
| Årsresultat (i mill kr) | ||
| 2020 | 2019 | |
| Driftsinntekter | 4,03 | 5,38 |
| Driftsresultat | 0,01 | -0,15 |
| Res. før skatt | -0,02 | -0,18 |
Til vanleg er det utlendingar som utgjer hovudtyngda av gjestane. Kring 80 prosent av inntektene kjem frå denne marknaden i ein vanleg sommar.
I 2020 blei det langt fleire norske gjestar og då NETT NO snakka med Finn Magne Grande i fjor sommar var han uroa for om dei ville klare å fylle opp plassen, som på det tidspunktet framleis hadde mange bookingar frå utanlandske gjestar.
Selskapet tok i løpet av året opp lån på to millionar kroner. Eigenkapitalen ved utløpet av året var på nær 1,9 millionar.
Feriesenteret sysselsette fire årsverk i 2020.
Publisert: 19.03.2021 08:52
Sist oppdatert: 26.05.2021 12:23