Fjord 1-oppdrag til Servi

Selskapet har fått kontrakt om å levere hydraulikksystem til Fjord 1 sine elektriske ferjer på Lote-Anda sambandet i Sogn og Fjordane.
Kontakten er ikkje så stor i seg sjølv, seier Ole Bertil Olsen i Servi Ulsteinvik. Men det er den første kontrakten på selskapet sitt nye og eigenutvikla hydraulikksystem. Går det som Olsen håpar er oppdraget ein døropnar for systemet både til sjøs og i industri på land.

Sparer energi

Poenget med det nye hydraulikksystemet er å spare energi. Systemet kuttar energibruk når hydraulikken ikkje er i bruk, og i følgje Servi Ulsteinvik er energibruken redusert med inntil 80 prosent samanlikna med eit tradisjonelt anlegg.
Systemet er spesielt egna i batteriferjer, men Olsen håpar og på å få innpass i offshore- og andre typar farty.

Ferd er storaksjonær

består av Servi Ulsteinvik, Servi Fluid Power i Houston, USA, samt Servi AS med kontor i Ski, Kongsberg, Tønsberg, Kristiansand, Bergen, Ågotnes og Rissa.
Johan H. Andresen og familien eig 70 prosent i selskapet gjennom investeringselskapet Ferd.
I fjor hadde Servi Ulsteinvik 108 millionar kroner i driftsinntekter og eit resultat før skatt på 2,5 millionar kroner. Kostnadskutt gjer at selskapet ventar auke i lønsemda i år, trass i en tøffare marknad.