Forlengjer avtale for Havila Subsea

Haugesund-baserte Reach Subsea forlengjer avtalen om å leige Havila Subsea eitt ekstra år. Det gjer at skipet er utleigd ut 2024.

Les børsmelding her

Skipet er i dag i Brasil.

Reach Subsea inngjekk ei leigeavtale om å leige skipet frå 1. oktober 2021 til slutten av 2023, med opsjon om å forlengje avtalen eitt år til. Den opsjonen har selskapet no brukt.

Havila Shipping driv 17 skip, 10 av dei eigd av reiarlaget, sju for andre.

Per i dag er 14 skip utleigd på lengre avtalar, ifølgje administrerande direktør Njål Sævik.

Reach Subsea leigde Havila Subsea allereie i 2017, ein leigeavtale som gjorde at skipet vart tatt ut av opplag.

Skipet har mellom anna blitt brukt til å undersøkje gassrøyleidningar mellom Noreg og Tyskland etter at Russland gjekk til krig mot Ukraina og blitt brukt til arkelogiske undersøkjingar i Svartehavet.