Fransk havvindkontrakt for Brunvoll

Brunvoll har inngått kontrakt med det franske verftet Ocea SA, for levering av hybrid framdriftssystem til to CTV (Crew Transfer Vessel) bestilt av Louis Dreyfus Armateurs i samarbeid med Tidal Transit.

Det opplyser Brunvoll i ei pressemelding.

Fartøya skal operere på Saint-Nazaire havvindpark, den aller første i Frankrike.

Første leveransen fra Brunvoll si bedrift i Telemark vil finne stad i 4. kvartal 2021.

Batteripakke
Brunvoll opplyser at leveransen er ein kompakt systemleveranse med batteripakke og elektriske motorar for framdrift med hotellast.

Systemleveransen består av styringssystem, EMS, DC-tavler, frekvensomformarar, elektriske motorar og batteripakke. I kontrakten inngår også ein leveranse av Triton CPP framdriftsstyring for eit tredje fartøy som er eit hybridklargjort dieselmekanisk fartøy for transport av mannskap.

- Brunvoll er stolte over å vinne denne kontrakten med hybrid framdriftssystem og systemintegrasjon for det første crew transfer vessel for den franske havvindparken, seier Bjørn Svendsen, VP Sales & Marketing i Brunvoll, i pressemeldinga.