Fullt hus på Øye

Søstrene Mariann Øye-Mork (dagleg leiar) og Kathrine Øye (driftssjef) har praktisk talt fullt hus resten av sommaren. Alt ligg an til at dei skal gjere det like bra som i fjor, både målt i inntekter og lønsemd.
I 2016 gjorde selskapet eit solid hopp i lønsemda ( sjå tabell), og er pr. i dag det hotellet i Flakk-gruppa som har kome lengst målt i lønsemd.

Utvida sesong

Auka lønsemd er ikkje eit resultat av kostnadskutt. Tvert i mot.
Hotellet har investert i mellom anna isolering og nye bad dei siste åra.
Lønskostnadane auke med cirka 700.000 kroner i fjor.
Frå å drive seks månader i året er drifta frå og med i år utvida til ni månader. Det gjer det mellom anna råd å ha ein meir stabil arbeidsstokk, og det gir også positive utslag på resultatet, i følgje Mariann Øye-Mork.

Aukar kapasiteten

I fjor vona dagleg leiar Benthe Langeland at Storfjord Hotel på Glomset i Skodje ville passere 20 millionar kroner i driftsinntekter i 2017. Så langt ligg hotellet an til å nå 23 millionar kroner i driftsinntekter i år.
Hotellet har nyleg utvida med nytt gjestehus med 10 suitar.

Investeringane slår ut auke i avskrivingar og rentekostnadar, medan verknaden av samanslåing av drift- og eigedomselskap trekkjer motsett veg.
Hotellet går framleis i minus, men Langeland kan legge fram 2016-tal som viser ei klar betring av både av driftsresultat og resultat før skatt.
Ho anslår at hotellet pr. i dag har eit break-even-nivå på rundt 25 millionar kroner. Hotellet passerte 10 millionar kroner i driftsinntekter for første gang i 2014.

Betre i Ålesund

Også byhotellet Brosundet Bryggen har betring i driftsresutatet.
Ved årskiftet kjøpte Flakk-gruppen Hotel Bryggen for å gjere de to hotella om til eitt.
Auka turisme har dempa effekten av færre forretningsreisande for hotella i Ålesund.
Ann Kristin Ytrevik hos Flakk-gruppens marknadsførings- og opplevingsselskap 62 grader Nord seier hotellet hadde ein god sesong i fjor og ligg an til ein like god i år.