Får batteripakke i kontainer

Det er Norwegian Electric Systems AS (NES) som er tildelt kontrakten for levering av batteripakke og kontrollsystem om bord i konstruksjonsfartøyet Grand Canyon III, opplyser Hav Group i ei pressemelding.

Det 127,5 meter lange og 25 meter breie skipet er blant anna utstyrt med ei 250-tonns offshorekran. Etter oppgraderinga til batteridrift tidleg i 2023 skal fartøyet på ein femårig charteravtale med Helix Energy Solutions.

Før sommaren signerte NES ein tilsvarande kontrakt for Volstad Maritime-skipet Volantis, Her skal batteripakken installerast i eit eige batterirom, men på Grand Canyon III skal pakken installerast i ein kontainer under dekk.

– Å installere batteripakken i ein kontainer kan vere ei svært kostnadseffektiv løysing for fartøy ettersom ein ikkje treng å bygge eit eige batterirom, seier Trond Volstad, prosjektleiar hos Volstad Maritime, i pressemeldinga.

Mange vil ha batteristraum
Salssjef Egil Bremnes hos NES at løysinga inneber at verftsopphaldet kan kortast ned.

– Etterspørselen for ettermontering av batteristraum om bord i offshorefartøy aukar sidan mange reiarar har som mål å redusere CO2-fotavtrykket. Lavare driftsutgifter som følgje av redusert drivstoff-forbruk er ein tilleggsgevinst, seier Bremnes,

Ålesund-selskapet Volstad Maritime er 52,5 prosent eigd av Havila Holding, som også er sterkt inne på eigarsida i NES gjennom Hav Group.

NES har ikkje oppgitt verdien på kontrakten.