Går frå finans til fisk

I januar i år blei Christian Olav Balsnes ansvarleg for forvaltninga av investeringane i rådgiving og investeringselskapet Converto i Ålesund.

Balsnes tok over etter Christer Valderhaug, som slutta i Converto for å bli administrerande direktør i helsekost- og legemiddelutviklingsselskapet Arctic Bioscience.

No blir Balsnes finansdirektør hos lakseeksportøren Ocean Supreme i Ålesund.

Ni år i Converto
Balsnes har arbeidd tilsaman nesten ni år i Converto. Han byrja som analytikar i selskapet i 2014 og steig i gradene fram til finansdirektør og partnar. Etter fem månadar som finansdirektør i MMC First Process i 2021 kom han attende til Converto i august 2021.

"Min tid i Converto AS har vært veldig spennende og lærerik - ikke minst takket være hyggelige og svært kompetente kolleger. Dette er et miljø som virkelig brenner for å bistå sine kunder - og det har vært veldig kjekt å ha vært en del av dette.", skriv Balsnes på Linkedin.

Novela-investeringar
– Vinkelen for våre investeringar er hovudsakleg havromsbasert på Vestlandet – og her er det veldig mykje spennande på gong, svarte Balsnes i janauar i år på spørsmål om status for ettertrakta investeringar i regionen.

Converto forvaltar mellom anna Novela Kaptial 1 som er medeigar i Anda-Olsen og PE Bjørdal.