Halverte inntektene på ombygging i fjor

Det er ombyggingar for at Lefdal Mine Datacenter sin største kunde kunne flytte maskinene sine frå containarar til nybygd datahall som er årsaka til den store inntektsnedgangen. Det reduserte inntektene mellombels i fjor, fortel dagleg leiar Jørn Skaane i ei tekstmelding til Nett No.

Selskapet har signert avtalar med store kundar i løpet av dei siste 12 månadane, som kjem til å gi inntekter etterkvar som datahallane maskinene deira skal stå i blir klare til bruk.

Ved utgangen av 2023 hadde Lefdal Mine Datacenter omlag 28 tilsette. I år skal selskapet auke arbeidsstokken ytterlegare.

Betrar lønsemda
Skaane skriv i tekstmeldinga at selskapet kjem til å få eit positivt driftsresultat før av- og nedskrivingar (ebitda) i år. I fjor rekna han med at det målet først ville bli nådd i 2025.

Inntektsnedgangen i fjor gjorde at ebitda vart minus 28,9 millionar kroner. I 2022 var ebitda minus 5,7 millionar kroner, i 2020 minus 15 millionar.

Ombygd gruve
Lefdal Mine Datacenter ligg i den tidlegare olivingruva i i Lefdal, mellom Nordfjordeid og Måløy,.

Datasenteret opna i 2017, med ei rekkje lokale investorar som grunnleggarar og medeigarar.

Eit fond forvalta av det amerikanske investeringsselskapet Columbia Threadneedle Investments kjøpte ut dei lokale eigarane og grunnleggarane og blei ny storaksjonær i Lefdal Mine Datacenter i 2020.

Blant seljarane var Sogn og Fjordane Energi, Coast Seafood, og selkap med Gunnar Carlson, Svein og Kristian Skibenes, Sindre Kvalheim, Rune Mykletun, Vidar Furnes og Vidar Saltkjel som medeigarar.