Kitin-eigarane med forlenga frist

– Vi meiner at vi skal klare å realisere, seier dagleg leiar og medeigar Nils Halvard Molnes i Kitin om sjansen til at selskapet klarer å kome i gang med fisket.

Etter den opphavlege planen skulle trålaren vere i fiske allereie i fjor, men slik at har det ikkje gått. Vilkåret i det opphavleg løyvet frå Fiskeridirektoratet til å drive fiske var at reiarlaget måtte vere med i gang med fiske i år, men per i dag manglar selskapet både båt og pengar. 

Heldigvis for selskapet fekk det i sommar ja på søknad om å forlenger fristen.

– Vi har fått forlenga den ut 2029, seier Molnes. 

Nybygg til 1,5 milliardar kroner
Ideen til Molnes og dei andre partnarane i Kitin er å få bygd ein krilltrålar som skal fryse fangsten ombord og frakte den til land for vidareforedling - i fabrikkanlegg på Giske. 

Prisanslaget for fartøyet er mellom 1,2 og 1,5 milliardar kroner, seier Molnes.

Krill er ein liten krepseart som lever i farvatna rundt Antarktis. 

Nær, men ikkje nær nok
Å få med seg investorar for å finansierer satsinga, har vore vanskelegare enn grunnleggarane håpte på i starten.

Dei har vore nær, men ikkje nær nok. 

Før Russland gjekk til angrep på Ukraina i 2022 var selskapet nær ved å få til ei kapitalutviding, men uvissa krigen skapte, gav investorane kalde føter, har Molnes tidlegare fortalt.

Også før jul i 2024 var selskapet nær, men då skapte utfallet av presidentvalet i USA uvisse om rammevilkåra i marknaden. Det gjorde at selskapet nok ein gong ikkje kom heilt i mål, ifølgje Molnes.

Les meir om krillsatsinga: