Kleven sikra ny jobb for Hurtigruten

Hurtigruteskipet Fridtjof Nansen kjem til Green Yard Kleven for å klargjerast til nye ekspedisjonscruise.

Det sikrar arbeid for dei tilsette, og blir eit «gledeleg gjensyn med skipet», seier Green Yard-sjef Hans Jørgen Fedog i ei pressemelding.

MS Fridtjof Nansen blir det sjette skipet frå Hurtigruten Expeditions som får utført arbeid ved verftet siste året. Skipet blei bygd ved Kleven og vart nyleg døypt i Longeyearbyen.

Framover skal skipet ut på cruiseekspedisjonar frå Hamburg og nordover langs norskekysten til Nordkapp.

MS Roald Amundsen har siste tida hatt eit opphald på verftet for å bli klargjort for ekspedisjonscruise. Skipet har fredag segla frå verfte og skal i vinter på cruise i Antarktis.