Kraftig vekst for Valaker

Valaker Bakeri og Konditori auka driftsinntektene frå 56,7 til 80,5 millionar kroner i fjor. Det er ny rekord med klar margin.

Veksten skuldast dels at datterselskapa Moa Konditori og Braud Digernes vart slått saman med morselskapet frå årsskiftet 2021/2022, men óg at salet i butikkane auka.

Dei to dotterselskapa og morselskapet hadde til saman 72,4 millionar kroner i driftsinntekter i 2021. Den reelle inntekstveksten er dermed 11,5 prosent frå 2021 til 2022.

Oppgradering
Det er oppgradering av fleire butikkar og effekten av at koronarestriksjonane vart oppheva i 2022, som er forklaringa på inntekstveksten i butikkane, ifølgje årsmeldinga til Valaker Bakeri og Konditori.

Under Braud-varemerket har selskapet utsal i Vestnes, på Digernesskiftet og på Moa. Under Valaker-varemerket er det ni utsal; ved hovudkontoret og bakeriet i Søvika i Haram, i Ålesund, Ulsteinvik og Fosnavåg.

Valaker Bakeri og Konditori driv også eit bakeri med ei større geografisk distribusjon enn Sunnmøre.

Bakeriet selde for 22,5 millionar kroner i fjor, omlag som året før. Inntektene frå butikkutsala utgjorde 32,1 millionar kroner i 2021 og 56,3 millionar kroner i 2021.

Koronastopp
I 2020 stengde dagleg leiar Liv-Anette Valaker Røren alle utsala og permitterte tilsette berre få dagar etter at regjeringa kom med koronatiltaka 12. mars.

Først etter to-tre månadar var alle opna igjen og i full drift.

Lærdomen frå 2020 var at det går an å drive med lågare kostnadar enn selskapet hadde. Det gjeld mellom anna bemanning og svinn.

Valaker Bakeri og Konditori er eigd av Liv-Anette Valaker Røren og Alf Røren (66 prosent) og Rune Valaker (34 prosent).

Dei eig tilsaman også 49,99 prosent av bakeriet Goman Nordvest i Søvika, saman med Coop-eigde Goman.