Lønsam lærdom i koronaåret

Med ny butikk på Valderøya og og utvida butikk på Vestnes i løpet av året kjem Valaker Bakeri og Konditori opp i 13 butikkar/kaféar på Nordvestlandet.

I fjor stengde dagleg leiar Liv-Anette Valaker Røren alle utsala og permitterte tilsette berre få dagar etter at regjeringa kom med koronatiltaka 12. mars.

Først etter to-tre månadar var alle opna igjen og i full drift.

- Vi kutta lønskostnadar og kostnadar generelt og så hadde vi som mange andre i serveringsbransjen ein fantastisk sommar med god omsetning. Totalt på året var omsetninga nesten den same som vi hadde uten korona, , seier Valaker Røren.

Tek med seg lærdom
2020 var eit år med mykje uvisse, både for selskapet og dei tilsette, men ei rekordgod sommarsesong kompenserte for nesten heile nedgangen då butikkane var stengde.

- Vi kom oss gjennom det godt, med alle damer og menn i behald, seier Valaker Røren.

Valaker Bakeri og Konditori sysselsette 44 årsverk i 2020.

Lærdomen frå 2020 er at det går an å drive med lågare kostnadar enn selskapet hadde. Det gjeld mellom anna bemanning og svinn.

Selskapet utvidar mellom anna kjøkkenet på Moa for å kunne forsyne andre Valaker-utsal i nærleiken med ferske varer fleire gangar om dagen. Det handlar om å tilpasse produksjonen betre til dagens etterspørsel, og på den måten reduser mengda mat som blir kasta.

Utvidar Digernesskiftet-konseptet
I november i fjor opna datterselskapet Braud Digernes butikk og bakeri på Digernesskiftet i Skodje.

Braud Digernes bakar brød, anna bakverk sjølv og pizza sjølv. Selskapet er ein del av innkjøpssamarbeidet i Valaker-systemet, men driv elles som ei sjølvstendig verksemd, og kombinerer bakeriutsal/kafe/pizziera i ein butikk.

Denne modellen tek Valaker Bakeri med seg til den nye butikk/kaféen som blir etablert på handelsområdet ved Gjøsund på Valderøya og inn i den utvida butikken på Vestnes. Begge skal opnast i løpet av året.

Valaker Bakeri og Konditori er eigd av Liv-Anette Valaker Røren og Alf Rørene(66 prosent) og Rune Valaker (34 prosent).

Dei eig tilsaman også 49,99 prosent av bakeriet Goman Nordvest i Søvika, saman med Coop-eigde Goman.