Leiarkonferansen for tredje gang

Etableringa av Leiarkonferansen i i Ulsteinvik i 2020 var første steg på vegen mot å gjere Ulsteinvik til ei stad for større konferansar, både regionale, nasjonale og intenasjonale.

I neste veke blir Leiarkonferansen arrangert for tredje år på rad. Påmeldinga ligg an til å bli som i fjor, omlag 150 deltakarar, ifølgje konstituert dagleg leiar Anna Klara Måseide i Ulstein Næringsforum.

I år er stikkordet for konferansen "Future Focused Leadership".

I år ser på korleis krevjande tider krev at vi tenkjer nytt om miljø og berekraft, økonomiske modellar, innovasjon og leiarskap, skriv Måseide i ei pressemelding.

Mellom foredragshaldarane er dagleg leiar Brian Tsuyoshi Takeda i kråkebolleselskapet Urchinomics, næringsminister Jan Christian Vestre, fagleiar Ingrid Oskarsen i DNBs "Cyber Defense Center" og Merete Mikkelsen, direktør for Vest-Norges Brusselkontor.

Leiarkonferansen er den eine av to større konferansar i Ulsteinvik i år. Den andre, ein tred dagar lang internasjonale skipbyggarkonferanse, skulle arrangerast i vår, men er flytta til hausten. Grunnen til endringa er koronarestriksjonar i fleire land, som gjorde det vanskleg for fleire deltakarar å kome.

Planen er å etablere også den konferansen som eit årleg arrangement.