Anne Lise Sagen Major foto MA NTNU
NYTT STUDIEÅR: Viserektor Anne-Lise Sagen Major gler seg til å ta i mot studentane som startar opp med immatrikulering måndag 12. august. Foto: MA/NTNU
Nytt

Mange på venteliste til shippingstudie

Skyhøge krav for å kome inn på medisinstudie ved NTNU, viser årets opptak.

Marius Rosbach
25.07.2024

Opptaket til det komande studieåret viser at NTNU Ålesund har fylt opp studieplassane ved alle institutta, ifølgje ei melding torsdag.

Viserektor Anne-Lise Sagen Major opplyser at det er gitt 1372 tilbod om studieplass ved grunnstudiane på Campus Ålesund.

No gler ho seg til å ta i mot studentane som startar opp med immatrikulering måndag 12. august.

Populære shippingstudier
– Vi ser at søknadane til spesielt ingeniørstudiane våre held seg populære og med høge poenggrense på fleire program, uttaler Major i meldinga.

Studieprogramma til nautikk, shipping og ingeniørstudie i fornybar energi er mellom dei mest populære med poengkrav på 52,1, 51,7 og 51,2.

Shippingstudiet er mellom dei mest populære vala, og har fleire enn 420 søkjarar på venteliste, ifølgje kommunikasjonsrådgjevar Eli Anne Tvergrov ved NTNU.

Flest på venteliste til medisinstudiet
Medisinstudiet står i ei særstilling ved året opptak med skyhøge krav for å sikre seg ein plass. Poengkravet er på heile 68,2, og det har vore stor pågang.

660 søkjarar står på venteliste til utdanninga, der studentane startar i Trondheim og avslutta studiet i Ålesund. Dette er første gong studentane søker seg til eit slikt studieløp.

Publisert: 25.07.2024 11:14

Sist oppdatert: 25.07.2024 11:15

Mer om