Metizport får Warholm på eigarsida

(NPK-NTB): Friidrettsstjerna Karsten Warholm har kjøpt aksjar i e-sportklubben Metizport. Han trur på kunnskapsutveksling.

– Eit ungt og lovande prosjekt som eg har sterk tru på. Og det i ein bransje som veks enormt. Lokalt og spennande – og med grenselause moglegheiter, seier Karsten Warholm.

Warholm ser på engasjementet som ein måte å kombinere interessene for idrett og teknologi på.

– E‐sport er i ferd med å bli verkeleg stort, og eg trur at vi har mange spennande moglegheiter framfor oss, seier Warholm.

– Eg er oppteken av lokale verksemder frå heimtraktene mine som skaper verdiar – og som tenkjer nytt og spennande, både lokalt og internasjonalt. Dette er midt i blinken i så måte. I tillegg er det ekstra gøy med ei relativt ung målgruppe, seier Warholm.

(©NPK)