Tre små aksjepostar i Arctic Biopscience blei handla på børsen i dag og aksjekursen var den same som då handelen starta i dag tidleg.
Til saman 185 aksjar skifta eigar.
Selskapet la fram halvårstala før børsen opna i dag og held ein presentasjon i formiddag, utan å utløyse det stor engasjementet.
Sjå resultatpresentasjonen her
Problemet med Arctic Bioscience, sett frå aksjespekulant-perspektivet, er at svaret på om selskapet blir ein suksess eller ei ligg langt fram i tid.
Arctic Bioscience sitt første store mål er å få legemiddelgodkjenning av selskapet sitt middel mot hudsjukdomen psoriasis. Først i andre halvår neste år vil dei første svara frå den komande medisinske testen kome. Dei første testpersonane skal byrje å teste produktet i fjerde kvartal i år.
Den første informasjonen med noko substans selskapet kan kome med er om kva som blir utfallet av testen. Går det som Arctic Bioscience håpar er svara positive, og det vil truleg vere informasjon som gir store utslag på kursen.
Tre andre selskap på NETT NO si oversikt over børsselskap på Nordverstlandet hadde også uendra kursutvikling i dag.
Havial Kystruten blei dagens vinnar med 4,66 kursoppgang, Endúr taparen med eit kursfall på 6,25 prosent.
| Børsdagen | ||
| Selskap | Kurs i kroner | %-Endring i dag |
| Havila Kystruten | 17,95 | 4,66 % |
| Hav Group | 13,76 | 2,53 % |
| Salmon Evolution | 8,92 | 1,13 % |
| Hexagon Composites | 29,26 | 0,62 % |
| Sparebanken Møre | 75,4 | 0,15 % |
| Hofseth Biocare | 3,4 | 0,00 % |
| Havyard Group | 3,795 | 0,00 % |
| Arctic Bioscience | 15,3 | 0,00 % |
| Nortel | 21,4 | 0,00 % |
| Atlantic Sapphire | 19,13 | -0,87 % |
| Hexagon Purus | 24,62 | -0,97 % |
| Havila Shipping | 15,88 | -1,98 % |
| Statt Torsk | 2,2 | -2,22 % |
| Norva 24* | 33,895 | -3,17 % |
| Golden Energy Offshore Services | 2,13 | -4,48 % |
| Endúr | 28,115 | -6,25 % |
| *Svenske kroner |
Publisert: 25.08.2022 16:59
Sist oppdatert: 25.08.2022 17:01
