Norvind Offshore-kontraktar til Vard

Det ein fartøyet skal utrustast av Vard Brattvåg, etter at Vard Braila i Romania har levert skroget. Det andre skal byggjast på Vard-verftet i Vietnam.

Fartøyet frå Vard Brattvåg skal leverast i 1. kvartal 2024, fartøyet frå Vietnam eitt år seinare.

Les børsmelding frå Vard-eigar Fincantieri her

Skipa er teikna av Vard Design og Vard Elektro skal levere bruløysingane

Pressemeldinga opplyser ikkje kva skipa kostar, men dei to skipa Norwind Offshore bestilte frå Vard i fjor haust og ombygging av eit offshorefartøy for oljebransen til vindkraftbransjen kostar til saman 1,4 milliardar kroner.

Dei to skipa som er bestilt no er ein opsjon til å få bygd fleire skip, som Norwind Offshore hadde i avtalen som blei signert i fjor. Vard byggjer også om eit offshorefartøy for oljebransjen til bruk for vindkraftbransjen, slik at Norwind Offshore no har kontrakt på i alt fem fartøy frå Vard.

"Det er gledelig å se at det nye lokale rederiet er i ferd med å etablere seg som en betydelig aktør i det raskt voksende havvindmarkedet, og ikke minst at de involverer Vard som sin skipsdesigner, skipsbygger og teknologileverandør i denne spennende satsningen.

Prosjektet gir arbeid til våre verft i Norge, Romania og Vietnam. VARDs misjon er å muliggjøre bærekraftige maritime operasjoner, og disse kontraktene er viktige steg i tråd med vår nye strategi.”, skriv Fredrik Mordal Hessen, leiar for Offshore og spesialfartøy hos Vard i pressemeldinga.

Bak Norwind Offshore står tidlegare Farstad Shipping-medeigar Sverre Andreas Farstad og familien, Eivind og Espens Voldstad som som dreiv offshore- og fiskebåtreiarlaget Volstad Shipping og Maren Kleven Fox og Magnus Kleven, barna til Bunker Oil-eigar Jan Magnus Kleven.