Nye millionar og ny sjef skal løfte droneselskap

Griff Aviation henta inn 20 millionar kroner i ny eigenkapital i sommar, seier styreleiar Tore Tønseth til Nett No.

Kapitalutvidinga verdsette dronefabrikken i Sykkylven til 250 millionar kroner. Dei to største aksjonærane, Halsebakk-familien og Jakob Hatteland og familie, eig no tilsaman omlag 80 prosent av aksjane i selskapet, med ein litt større andel til Hatteland-familien, ifølgje Tønseth.

Halsebakk-familiens investeringsselskap Ronja Capital gjekk inn med 40 millionar kroner i Griff Aviation i 2021, og 20 nye millionar året etter.

I kapitalutvidinga i 2021 vart Griff Aviation verdsett til 250 millionar kroner. I kapitalutvidinga i 2022 var verdien sett lågare, men no er den justert opp igjen.

Bakgrunn:

Lenger tid enn venta
Vanskar med å få deler og utstyr i tide og i rett kvalitet har forseinka arbeidet med å utvikle dronane, ifølgje Tønseth.

No ventar han at dei første salskontraktane kjem i haust.

– No er vi klare til å selge, seier han.

Griff Aviation satsar både på den sivile og militære marknaden.

Ny sjef frå august
Frå 1. august har Thomas Klungsøyr vore dagleg leiar i Griff Aviation.

Klungsøyr bur i Ålesund og kjem frå stillinga som investeringsdirektør i det internasjonale investeringselskapet Abler Nordic.

Han overtok etter Svein Even Blakstad, som har gått attende til stillinga som teknisk direktør etter å leia selskapet i eit knapt år.