Nykomar kan få pasienttransport-kontrakt

Kampen om pasientkøyringa på Nordmøre, i Romsdal og på søre Sunnmøre er behandla av Klageorganet for offentlige anskaffelser (Kofa) etter å først ha vore gjennom to rundar i retten.

Det handlar om køyreoppdrag for 302 millionar kroner. Ein kjennelse i Frostating Tingrett forbaud først at Helse Midt-Norge kunne signere kontrakt med vinnaren av anbodskonkurransen, det nyskipa selskapet Persontransport 1.

Bak Persontransport 1, står blant andre Arild Røder og Bjørn Helge Raknes. Raknes er dagleg leiar og eigar av Turbilane as i Sula kommune, Røder er dagleg leiar og eigar av Ålesund Turvogn Service.

Konkluderer motsett av tingretten
Frostating Lagmannsrett konkludert motsett av tingretten. Det ikkje er grunnlag for noko mellombels forbod mot at Helse Midt-Norge kan inngå avtale med Persontransport 1.

Helse Midt-Noreg valde likevel å vente på at Kofa skulle handsame klagen frå Nordvest Taxi, som har oppdraget i dag.

Nordvest Taxi meiner Persontransport 1 ikkje er kvalifisert til å delta i konkurransen, men Kofa gir ikkje Nordvest Taxi medhald i klagen.

Her er oppsummering og konklusjonen til Kofa:

"I denne konkurransen var det dessuten uttrykkelig tilrettelagt for at selskap under stiftelse kunne delta, og konkurransegrunnlaget inneholdt ingen krav om at en adgang til å levere tilbud måtte fremgå av stiftelsesdokumentene.

Klagenemnda kan derfor heller ikke se at det var i strid med kravene i loven § 4 ikke å avvise valgte leverandørs tilbud fra konkurransen.

Klagenemnda har på denne bakgrunn kommet til at valgte leverandørs tilbud var
bindende, og klagers anførsel fører derfor ikke frem.

Konklusjon: Helse Midt-Norge RHF har ikke brutt regelverket for offentlige anskaffelser."