Obos i ferd med å få opp farta

Då ÅBO (Ålesund Boligbyggelag) vedtok å bli ein del av OBOS i 2015 fullførte selskapet samstundes bygginga av 48 bustadeiningar i Fremmerholåsen i Ålesund. Først no er selskapet klar med neste prosjekt.
ÅBO mangla både kapital og anna kapasitet til å halde opp ei jamn bustadbygging. Det var også ein viktig grunn til at bustadbyggelaget vedtok samanslåing med OBOS (Oslo og omegn boligbyggelag), som etterkvart er blitt ein landsomfattande organisasjon.

Jamn aktivitet

I løpet av 2017 håpar regiondirektør Finn Dyb-Sandnes i Obos Nordvest å kome i gang med å bygge ti nye bustadeiningar i Fremmerholåsen, spesialtilpassa unge med spesielle behov.
Neste år er målet byggestart for fire firemannsbustadar i same område, og i beste fall også byggestart for blokker på tre til fem etasjer med 50-60 leilegheiter i.
Så lenge Åbo var eit frittståande bustadbyggelag har det vore nøydd til å fullføre eitt større prosjekt om gangen før det kunne gå laus på neste. Det gjorde at det blei år med byggestopp medan Åbo jobba med regulering og planlegging av nye felt. No skal byggeaktiviteten opp på ein jamt nivå frå år til år.

Tek tid å kome i gang

Dyb-Sandnes seier Obos Nordvest arbeider med fire-fem nye prosjekt i Ålesund, men at det først er om eit par år at han venter å ha fått byggeaktiveten ha ønskjer.
Obos Nordvest har og sett på prosjekt i Skodje og Giske og har ambisjonar om å utvide aktiviteten til heile Sunnmøre, sjølv om det i første omgang er prosjekt i Ålesund som ligg først i løypa.