Oppsving frå lastebil-marknaden

Etter salet av sitt norske datterselskap Hexagon Ragasco i andre kvartal er det Hexagon Composites sitt amerikanske datterselskap Hexagon Agility det først og fremst handlar om for Hexagon Composites.

Hexagon Agility lagar tankar og system for bruk av natur- og biogass som energkjelde. Selskapet lagar mellom anna store mobile tankar som blir brukt på anlegg og i industrbedrifter der det ikkje finnes eit gassrøyrleidningnett og på lastebilar og bussar.

Det er marknaden for store lastebilar som har fått eit oppsving og gir overskot i tredje kvartal, ifølgje kvartalsrapporten. (sjå tabell under)

Les børsmelding her

Ventar godt 4. kvartal
Det er oppdrag knytt til rammeavtalar som er inngått i med logistikkselskapet UPS i 2019 som har slått inn i år. og somn gir godt med arbeid og inntekt også i fjerde kvartal.

Hexagon Composites melder at selskapet og har ei "sunn ordebok"  frå andre kundar i lastebilmarknaden.

Gevinst
Hexagon Ragasco på Raufoss lagar små berbare gassbehaldarar som nordmenn flest kjenner frå brukt til gassgrillar.

Salet av Hexagon Ragasco i 2. kvartal i år gav Hexagon Composites eit gevinst på 676 millionar kroner. 

Selskapet vart seld til Worthington Enterprises. Som ein del av handelen kjøpte Hexagon Purus 49 prosent av aksjane i Worthington Enterprises sitt selskap Worthington Cylinders Austria, som også lagar gassbehaldarar og -system. Wortington Enterprises skal eige 49 prosent medan leiinga for verksemda skal eige resten. 

Hexagon Composites er også største eigar i Hexagon Purus, som vart skilt ut og børsnotert i 2020. Hexagon Purus lagar tankar og system for bruk av hydrogen som energiberar.