Optimar-fabrikk til Havfisk-trålar

No har selskapet inngått kontrakt nummer fire på levering av ein komplett fabrikk til Havfisk sin nyaste trålar, ein trålar som skal byggjast ved Vard Søviknes.
Dette opplyser OptimarStette i ei pressemelding onsdag.

Reker og fisk

Fabrikken skal både ta seg av prosessering av fersk fisk og innfrysing av reker.
Selskapet opplyser at fabrikken vil ha ein kapasitet på 80 tonn med enten fryst eller fersk fisk.

Automatisering

I pressemeldinga vert det opplyst at fabrikken er designa for svært effektiv produksjon og vil ha svært høg automasjonsgrad. I tillegg er fabrikken utstyrt med løysingar som enklare sikrar god hygiene og reinhald av fabrikken.
- Vi er veldig stolte over å få levere båt nummer fire til Havfisk. Dette viser ganske tydeleg at våre automatiserte løysingar gir kundane deo resultata dei ønsker, både økonomiske og produksjonsmessige, seier OptimarStette-seljar Bjørn Bjørkavåg
Båten skal leverast i januar 2018 til Havfisk.