Reduserte inntektene - men ser lysning

Dei ni skipa til Herøy-selskapet Olympic Subsea segla inn 153,5 millionar kroner i tredje kvartal, ned frå 195,1 millionar kroner i tredje kvartal i fjor.

Hittil i år har selskapet 420,9 millionar kroner i driftsinntekter, og eit resultat før skatt på minus 13,4 millionar kroner.

(saka held fram etter tabellen)

Reduserer gjelda
Selskapet har slite med gjelda, men har no fått i stand ein avtale med dei største kreditorane, som vil gi ein betydeleg reduksjon i gjeldsbyrda.

Ein del av forslaget som er lagt på bordet, inneberer at i eit obligasjonslån på 300 millionar kroner, kan bli omgjort til aksjar som vil gi långivarane eit eigarskap tilsvarande 22 prosent av reiarlaget.

Selde skip
Ved utgangen av kvartalet var gjelda på vel 2,8 milliardar kroner, der den kortsiktige gjeld avar på vel 2,6 milliardar.

Eigenkapitalen var samstundes negativ med 460,5 millionar kroner.

Selskapet har ni skip etter salet av Oympic Commander i september.

I kvartalsrapporten vert det opplyst at ein ser auka aktivitet i subsea, og forventar etter kvart også auka aktivitet i fornybarfeltet.