Samarbeid i interiørmarknaden

Fluor-Lux, Feel Free Productions og Farmhouse har etablerte samarbeidsselskapet SignalNorway. Selskapet har kontoradresse i Stryn, der det også skal etablerer eit visningsrom.
Fluor-Lux i Stryn lagar skilt, plakatar, klebemerke og dekorfolie i mange varianter. I SignalNorway-samarbeidet er det Fluor-Lux som skal levere dekorfolie, slik som til dømes naturbiletet frå Stryn som tapetserer veggen bak samarbeidspartnarane du ser på biletet til denne artikkelen. Bilda kan både tapetsere veggar eller limast på interiør.
Feel Free Production i Holmøyane i Eid lagar møblar og innreiing, medan Farm House i Stryn står for design og marknadsføring.

Samla innsats

Gjennom sal- og marknadsføringsselskapet satsar dei tre på å få større gjennomslag saman enn kvar for seg.

I år budsjetterer SignalNorway med 3,6 millionar i driftsinntekter. I 2020 er målet 15 millionar. Så langt i år har selskapet inngått avtalar om oppdrag for 2,5 millionar kroner.