Studenten Herman Peter Schips har travle dagar med studentprosjektet Revovle NTNU, der dei bygger ein racerbil på eitt år. Trass i arbeidsveker på opptil 40 timar – ved sidan av studier, fann han og medstudent Christian Wist tid til å presentere arbeidet på Robotek i Brattvåg torsdag.

– Hårreisande
Den tidlegare Taf-eleven har også fått med seg forslaget som no ligg på bordet frå fylkespolitikarane om å legge ned YSK/TAF-utdanningane ved Ulstein, Ålesund, Kristiansund og Fræna.

– Eg synest det er hårreisande. Om prosjektet vårt heiter det «frå student til ingeniør på 2,2 sekund». Det same meiner eg kan seiast om TAF-tilbodet. Eg tok fagbrevet mitt ved VikØrsta AS, og det har lagt eit veldig godt grunnlag for vidare studiar. Slike tilbod er grunnmuren i kommunikasjonen mellom oss studentar og bedriftene. Det er heilt avgjerande for kva framtida kan by på, meiner han.

Industri-erfaring frå 15-årsalderen
Kutt i yrkesutdanningane har vekt protestar frå næringslivet og fleire organisasjonar. Berre Haram vidaregåande får i tilfelle behalde denne utdanninga om forslaget blir vedteke i fylkestinget 9.-11. desember.

Voldingen pendla ein time med buss frå heimplassen då han gjekk Taf-linja i Ulstein. Det meiner han det var vel verdt.

– Det har vore ein kjempefordel for meg. Heilt sidan eg var 15 år gamal har eg fått se korleis industrien fungerer. Mellom anna kor viktig det er å ha struktur i ein organisasjon, fortel han.

Meir om skulekutta: Meiner det viktigaste er at kuldelinja består

Desse skulekutta vil fleirtalet droppe

Aksjonerer mot kutt i utdanning

Leiar engineering-gruppa
No leiar Schips ei av studentgruppene som jobbar med engineering på Revolve-bilen. Det betyr mellom anna at han har jobbar med prosjektplan, bestille inn komponentar, sørge for at dei kjem i tide og loggføre arbeidet undervegs.

– Denne bilen går frå å vere ein digital tvilling, til å bli sett saman av alle dei ulike komponentane. Erfaringsoverføringa og oppfølging frå dei som har jobba på prosjektet tidlegare, gjer oss i stand til å klare dette, seier han.

Tidleg i arbeidet har studentane ein presentasjon for dei som har jobba på prosjektet tidlegare, også kalla alumni. Då fortel dei korleis dei har gått fram til då og kva forbetringsområde dei ha bemerka seg. Tilbake får dei ros, kritikk og innspel dei kan ta med vidare i designfasa.

– Då går det ofte opp nokre lys, og det er desse lysa som tennast, som gjer at ein blir ein dyktig ingeniør. Det å ta kompleksiteten, og drage ut enkeltelement ein kan jobbe med. Der meiner eg Revolve også skil seg frå andre studentprosjekt, fordi det er retta spesifikt mot arbeidet, seier han.

– Heller ti spørsmål for mykje
Studentane jobbar mykje, så motivasjonen bør vere på topp.

– Det er veldig god stemning på kontoret, påpeiker han og samanliknar det med garderobestemninga ein kan få i eit godt lag.

– Vi brukar seie at det ikkje er noko som heiter dumme spørsmål. Still heller ti spørsmål for mykje, for det er slik vi lærer. Og svara blir notert ned – slik lærar neste års studentar det same, fortel han.

Les frå Robotek 2019: – Likar alt som bråkar, går fort og kan ta fyr

Vil jobbe tverrfagleg
Ingeniørstudenten likar å jobbe tverfagleg og vidare i utdanninga ser han føre seg å gå leiing av teknologi, eller kybernetikk og robotikk. Han ser også føre seg spennande tider når han teg steget inn i arbeidslivet.

– Eg vil oppleve det vi stupar inn i no - den fjerde industrielle revolusjonen der ting skjer mykje meir av seg sjølv, og til og med maskinane pratar med kvarandre. Eg har også stor trua på at vi på Sunnmøre kan klare å hevde oss godt innan denne type industri. Du ser kva vi fekk til med verftsindustrien, så kunnskapen og engasjementet er der. Då er det berre å få frøet til å spire meir, avsluttar han.

Les også: Artifish til topps i EM

Trur på fleire kvinner til teknologi

Marte jobber med utslippskutt for skip: – En fantastisk spennende teknologi

Les meir om Revolve-prosjektet (ekstern lenke)