Sikra arbeid heile vinteren

Skipet Energy Duchess er sikra oppdrag for ein ikkje namngitt internasjonal kunde, opplyser Golden Energy Offshore Services i ei melding.

Skipet vil gå på fast kontrakt til mars 2022.

Reiarlaget seier seg svært nøgd med å ha sikra full utnytting av skipet. Energy Duchess vil bli sett inn att i Nordsjø-marknaden etter oppdraget er ferdig, melder reiarlaget.

I dialog med kreditorar
Ålesund-reiarlaget har også skipa Energy Scout, Energy Swan og Energy Empress.

Selskapet melde i oktober at dei hadde behov for hjelp frå kreditorane for å styrke seg finansielt, og at dei var i dialog med kreditorane.

Tre av fire skip var då tilbake i arbeid, men PSV-en Energy Scout var til sals.

Nedgang på børs

Ifølgje rapporten for 2. kvartal, var første halvår ekstremt krevjande, men dei opplevde betring i slutten av halvåret.

Børsverdien til aksjen fekk en liten opptur i førre veke, men den siste månaden har verdien falle med kring ti prosent.

Så langt i år har børsverdien på selskapet skrumpa inn med nær ein tredel og reiarlaget er måndag prisa til drygt 32 millionar kroner.

Solstad-jobb i Brasil
Måndag melde Solstad Offshore at dei hadde sikra to toårskontraktar til PSV-ane Far Scotsman og Sea Brasil.

Etter ei periode med rater godt over nivået frå fjoråret, har betalinga til reiarlaga gått nedover dei siste vekene.