Snuoperasjon etter minus på Flø

Gjennom firmaet Go With The Flø og Studio Opdal har Hugo Opdal sett vesle Flø i Ulstein på kartet. Hittil i år har mellom andre verdskjende kunstnarar som Bjarne Melgaard og Sverre Bjertnes stilt ut i den tidlegare skulestova.
Men firmaet lukkast ikkje like godt økonomiske som kunstfagleg ifjor. 2013 enda med eit underskot på 0,6 millionar kroner.

Mindre butikksal

Det er fall i salet frå Moods of Norway-butikken på Flø som er hovudårsaka til fallande inntekter og underskotet i fjor, i følgje studioleiar Audun Hopland.
Underskotet ifjor gjorde at eigenkapitalen gjekk tapt. Ein avtalen med banken og ein plan for å gjenreise lønsemda sikra at likevel styret meiner det er grunnlag for å drive vidare, i følgje årsmeldinga for 2013.

Attende i pluss

Så langt i år har selskapet gått i pluss, og har greidd å halde seg til planen for å sikre vidare drift.
- Vi er absolutt i rute. Vi har vore gjennom ei omlegging. Vi ventar positive rekneskapstal i år, seier Hopland.
Den negative eigenkapitalen ved årskiftet var på 252.273 kroner. Hopland seier det er for tidleg å svare på om resultatet i år blir godt nok til gjenreise eigenkapital allereie i løpet av året.

Meir kunst

Go With The Flø er eigd 50/50 av Hugo Opdal og Moods of Norway. Då motekle-leverandøren etablerte utsal på Flø utgjorde salet av kle raskt ein viktig del av verksemda. I 2012 sto klessalet for halvparten av inntekta, i 2013 var andelen falle til 41 prosent.
Hopland meiner utviklingq delvis kan forklarast med at klessalet i starten var prega av ekstraordinær interesse, sidan tilbodet var nytt.

Viktig profilering

Moods of Norway-utsalet på Flø kjem framleis til å vere ei viktig profilering for Moods of Norway, men framover reknar Hopland med at det er inntektene frå kunstsal i galleriet som vil stå for hovudtyngda av inntektene til Go With The Flø.
Om få veker opnar galleriet utstilling nummer fem i år. Hopland vil ikkje røpe kven som stiller ut , ut over å seie at det er ein utanlandsk kunstnar som han anslår at 99 prosent at alle nordmenn over seks år kjenner til.