Solid opptur for Bytoget

Det er tredje generasjon Honningdal som står bak Bytoget, som har tre bytog i Ålesund og tre i Haugesund.

Selskapet Bytoget i Ålesund hadde kun 40.000 kroner i driftsinntekter under det verste pandemiåret i 2020. I 2021 betra det seg litt, medan i fjor tok det skikkeleg av med 10,7 millionar kroner i driftsinntekter, og eit resultat før skatt på 1,5 millionar.

(saka held fram etter tabellen)

100-årsjubileum
Kvar av dei 18 meter lange toga har ei maksfart på 25 km/t. I tillegg til sine faste byturar med guiding på åtte språk, tilbyr ein også gruppeturar.

Familieselskapet feira i fjor 100-årsjubileum. Det heile starta i 1922 då Jenny Hatlehol som 24-åring kjøpte leikebutikken ho hadde jobba i nokre år, og dreiv butikken fram til sonen Jarle overtok på 80-talet.

Det vart flere fleire butikkar i og rundt Ålesund. Det første "Thomas-toget" vart kjøpt 1993 der Jarle og kona Anne Marie reiste rundt for å besøke mange små og store stader.

Cruiseturistar
I 2003 starta selskapet opp Bytoget i Ålesund, der ein spesielt har innretta seg mot cruiseturistar, som får sightseeing i Ålesund med innlagt stopp på Aksla.

I 2021 vart det også starta opp med sightseeing i Haugesund.

Selskapet har også planar å starte opp andre stader, som i Oslo og Trondheim.

I dag vert selskapet drive av brørne Jan og Nils Ivar Honningdal, som kvar har 40 prosent av aksjane.

Selskapet har ein samla eigenkapital på 1,7 millionar kroner, og 0,5 millionar i langsiktig gjeld.

I fjor sysselsette selskapet fem årsverk.