Tener godt på kamp mot lakselus

Etter at brørne Kenneth André og Ronny Endre Beitveit i Kvamsøy-selskapet Beitveit Holding selde fiskebåten Stålegg i 2019, satsa dei på avlusingsfartøy/servicebåtar for oppdrettnæringa.

Det blei god butikk, som resultattabellen under viser.

Begge fartøya, Sea Liberty og Sea Admiral, er ombygde offshorefartøy som er utstyrt for avlusing av oppdrettsfiske og utstyrt med kraner for å også kunne arbeide som servicefartøy for oppdrettsnæringa.

Passe store
Tilsaman 180-195 millionar kroner er investert i kjøp og ombygging av fartøya, seier dagleg leiar og medeigar Kenneth André Beitveit til NETT NO.

No er selskapet blitt passe stort, med 42 tilsette, og har ikkje planar om ytterlegare fartøy, ifølgje Beitveit.

Lange kontrakter
Begge fartøya er utleigde på lange kontrakter med oppdrett og fiskerikonsernet Lerøy Group.

Sea Liberty fornya kontrakten sin frå januar i år. Den nye kontrakten er på to år pluss opsjonar. Sea Admiral er utleigd ut 2025, pluss opsjonar.