Treng 14 stemmer

Den ekstraordinære generalforsamlinga i Sparebank1 Søre Sunnmøre skal gå bak lukka dører i i hovudkontoret i Volda onsdag kveld 9. november.

Planen om det som formelt sett er ei samanslåing av dei to bankane krev to tredjedels fleirtal for å bli godkjent. Stemmer sju eller fleire nei på generalforsamlinga blir samanslåinga avlyst.

Styra i begge bankane har tidlegare i haust tilrådd samanslåing.

Delvis sjølveigd
Banken er omlag 90 prosent sjølveigande, medan resten er eigd av eigenkaptialbeviseigarar som kom inn som medeigarar i ei kapitalutvidinga i 2017. Eigenkapitalbevisa i Sparebank1 Søre Sunnmøre er ikkje børsnotert.

På generalforsamlinga har eigenkapitalbeviseigarane 20 prosent av stemmene, tilsette 25 prosent, og dei som representerer hovedtyngda av eigarskapet - 55 prosent.

Trøndersk storebror
Det er ingen tvil om kven som er storebror i samanslåinga.

Bankane er samde om at verdien av Sparebank1 Søre Sunnmøre tilsvarar 6,6 prosent av den samla verdien av den samanslåtte banken.

Sparebank1 SMN er overtakande bank og Sparebank1 Søre Sunnmøre får oppgjer i eigenkapitalbevis i Sparebank1 SMN.

Sparebank1 Søre Sunnmøre er 90,2 prosent sjølveigd og skal få 12.971.224 eigenkapitalbevis i den samanslåtte banken som vederlag.

Det utgjer med dagens kurs i overkant av 1,4 milliardar kroner. Pengane skal gå inn i Sparebankstiftinga Søre Sunnmøre, som skal forvalte pengane og dele ut gåvemidlar.

Sjå under - medlemane i generalforsamling som avgjer fusjonen