Brattvåg Fjordhotell er avhengig av å få inn betydeleg ny kapital for å halde fram drifta etter stort underskot i 2022.
Det kjem fram i årsrapporten til hotellselskapet frå fjoråret.
Drifta i hotellselskapet har gått med underskot i seks av dei sju åra sidan oppstarten i 2016.
Treng ny kapital
I årsrapporten for 2022 skriv leiinga at selskapet har drygt 2,2 millionar kroner i negativ eigenkapital.
Aksjekapitalen skulle difor skrivast ned til null – og ny eigenkapital på to millionar skal hentast inn.
- Selskapets aksjonærar vil om nødvendig tilføre ny eigenkapital, eller ta ansvarleg lån som gjer at føresetnaden om framleis drift vil vere til stades, heiter det i årsrapporten.
Overskot i 2021
Fjordhotellet med 37 rom ligg sentralt plassert i Brattvåg sentrum med kurs- og konferanserom, bar og restaurant.
Omsetninga nådde ein førebels topp i 2021, med inntekter på kring 14,5 millionar. Det vart også einaste året med overskot i drifta så langt.
Les også
I 2022 gjekk omsetninga litt ned og stoppa på 11,7 millionar. Fjoråret enda også med nytt underskot på meir enn to millionar kronmer (sjå tabell under).
Selskapet hadde 14 årsverk i arbeid i løpet av fjoråret.
| Brattvåg Fjordhotell | |||
| Årsresultat (i mill kr) | 2022 | 2021 | |
| Driftsinntekter | 11,7 | 14,8 | |
| Driftsresultat | -2,15 | 0,4 | |
| Resultat før skatt | -2,2 | 0,3 | |
Samfjordkvartalet største eigar
Eigarane av hotellselskapet står eigargruppa i Samfjordkvartalet As (80 prosent) og Librata As (20 prosent).
Fungerande dagleg leiar Else Longva stadfestar til NETT NO at det blir jobba med å styrke eigenkapitalen, men at ho ikkje ksan gi meir utfyllande svar grunna ferieavvikling.
Sjå resultatoversikt for hotella frå i fjor:
Publisert: 14.07.2023 09:39
Sist oppdatert: 14.07.2023 11:55
