Ungarsk lavpris sel godt i Norge

I ei pressemelding frå Wizz Air vert det opplyst at selskapet auka den norske setekapasiteten med 64 prosent i 2013. Selskapet lovar at den norske satsinga skal halde fram.
- Vi ser klart at norske kundar er like entusiastiske rundt vår lavprisprofil som kundane i dei andre 35 landa vi opererer i. Vi er begeistra over å kunne halde fram med satsinga i Norge, seier Wizz Air-talsmann Daniel de Carvalho i pressemeldinga.
Lufthamnsjef Tor Hånde på Ålesund lufthamn Vigra opplyser at Wizz Air starta med ruter på Vigra i mars 2013. Selskapet flyg no fra Vigra til Gdańsk i Polen, og til Litauens hovedstad Vilnius.
Hånde opplyser at Wizz Air auka i juni til fem avganger i veka på ruta til Gdańsk.
. Til Vilnius flyg Wizz Air på onsdagar og søndagar.
- Begge desse rutene har blitt svært godt mottatt i marknaden, seier Hånde.

580.000 norske seter

Totalt flyg Wizz Air no frå sju norske flyplassar etter at selskapet etablerte seg i Norge i 2006.
Totalt har selskapet 23 ruter frå Norge. I løpet av 2013 kom setekapasiteten opp i 580.000 seter.
Wizz Air vart etableret i 2003. Hovedaksjonær er det amerikanske PE (private equity)-selskapet Indigo Partners.

Mange år med tap

Det har vore lite informasjon å få frå selskapet om den økonomiske utviklinga. 2013-tala er ikkje offentleggjorde, men under presentasjonen for tala i 2012 vart det opplyst at selskapet då gjekk med overskot for første gong på seks år.
I 2012 enda driftsinntektene på 766 Euro (rundt 6,4 milliardar kroner) og resultat før skatt og avskrivingar kom på 44 millionar Euro (rundt 370 millionar kroner).