Utvidar og flyttar til Ulsteinvik

Ingeniørselskapet Seastate 7 blei etablert av Lars Brekke og Thomas Pedersen i 2014. Begge blir medeigarar i Sevi Group når Seastate 7 blir ein del av Sevi Group. Brekke og ein tilsett arbeider i selskapet i dag, og held også fram etter kjøpet.
Kjøpet betyr auka ingeniør-kapasitet for Sevi Group, seier dagleg leiar Severin Gjerde.
Seastate 7 har hatt adresse på Stålhaugen i Ulsteinvik sidan starten, og det blir også hovudkontoret for Sevi Group, medan produksjon og service-verksemda framleis skal foregå på Mjølstadneset i Herøy.
Etter kjøpet vil Sevi Group ha fire tilsette på Stålhaugen i Ulsteinvik, åtte i Herøy og ein i Bergen.

Miljø-og energisparing

Sevi Group er lagar automasjon- og styringssystem retta mot fiskeri, havbruk og transport. Målet er å bidra til å få ned energiforbruk og -kostnadar.
Selskapet både utviklar, produserer og monterer.
Seastate 7 har utvikla ei ny og patentert botnluke for moonpool, som Sevi Group satsar på skal vinne innpass hos både hos offshorefarty, dykkerskip og fiskefarty. Ein moonpool er ei luke i botnen av skipet som gjer det råd å senke ned og ta opp fjenrstyrte ubåtar, dykkerklokker og fiskereiskap inne i skipet.

Vurderer kapitalutviding

Sevi Group består av service-og produksjonsselskaept Sevi, miljøteknologileverandøren, Sevi Blue Power og ingeniørselskapet Seastate 7.
Eigarane er Severin Gjerdes selskap Oss Invest, Jan Arild Roppens selskap Astanel, Brekke og Pedersen, samt nokre av dei tilsette.
Styreleiar Jan Arild Roppen seier selskapet trur på gjennomslag for sine nye produkt i marknaden, og vil i så fall trenge fleire folk.
Parallellet vurderer også selskapet å hente inn meir kapital for å finansiere vekst.

Delte selskapet

Fram til i fjor haust var også Sevi Turbo i Herøy ein del av Sevi Group, og Roger Kaldhol eigde 50 prosent av Sevi Group.
Då skilde eigarane lag. Kaldhol og Mads Bergrud Sundby tok over Sevi Turbo - som no heiter Davi Turbo - og Kaldhol gjekk samtidig ut av Sevi Group.
Davi Turbo er eit serviceselskap og leverandør innan turboladarar til dieselmotorar til skip og landbaserte anlegg.