Tilbake til start for Hexagon Purus-aksjen

Oppbygging av produksjon- og leveringskapasitet kostar for Hexagon Purus. Det er hovudårsaka til at underskotet auka i 1. kvartal, i følgje kvartalsrapporten til selskapet.

Les børsmelding her

Hexagon Purus lagar tankar og system for bruk av hydrogen som drivstoff til alt frå personbilar til skip.

Selskapet skriv i kvartalsrapporten for 1. kvartal at det ventar 50 prosent vekst i driftsinntektene i år samanlikna med i fjor.

Børsnotert
Selskapet blei børsnotert i fjor haust, etter at det blei skilt ut frå Hexagon Composites.

Hexagon Composites lagar tankar og system for bruk av naturgass som drivstoff på bussar og lasterbilar, som energiforsyning til industri og anlegg og små gasstankar som i Noreg blir brukt til gassgriller og hytter.

Hexagon Compositets eig 75 prosent av aksjane i Hexagon Purus etter børsnoteringa. Knut Flakk og familien eig 14,57 prosent av aksjane i Hexagon Composites.

Opp og ned igjen
Ved børsnoteringa i desember 2020 blei Hexagon Composites verdsett til 40 kroner per aksje. 8. januar 2021 nådde aksjekursen 82,10 kroner.

Deretter har det gått nedover i rykk og napp. Ved børsslutt i går var kursen 39,50 kroner per aksje, som verdset selskapet til ni milliardar kroner.

Avtalar
Hexagon Purus har offentleggjort fleire avtalar i år, som selskapet meiner vil gi store inntekter i framtida.

Selskapet skal mellom anna etablerer eit joint venture med det kinesiske selskapet CIMC Enric, som skal leverer hydrogengasstankar og -system til den kinesiske marknaden.

Hexagon Purus har også inngått ein avtale med den amerikanske lastebilprodusenten Nikola, som har spesialisert seg på nullutslepps-lastebilar.