Vil ikkje prioritere meir til bølgjekraft

Alfred Bjørlo (V) stilte torsdag spørsmål til olje- og energiministeren kva regjeringa vil gjere for at Noreg skal bli ein leiande nasjon i utviklinga av bølgekraft.

Svaret frå olje- og energiminister Terje Aasland (Ap) var kort oppsummert: Fint lite.

Det vil seie: Ap-statsråden meiner at regjeringa allereie har dei verkemidla på plass som dei ønsker å ha, og er lunken til å prioritere meir ressursar til bølgjekraft – i staden for til eksempel havvind.

Liten interesse frå industrien
Bakgrunnen svaret frå olje- og energiministeren er at regjeringa meiner potensialet for å få meir energi frå bølgjekraft dei komande åra, er for liten.

- Interessen frå industrien er også ganske liten, la Aasland til då han svarte på spørsmålet frå Bjørlo.

I fjorårets energimelding viste regjeringa til at styresmaktene gjennom fire tiår har støtte utvikling av bølgjekraft, utan spesielt gode resultat. Aasland meinte difor at det var smartare å satse på vasskraft, havvind, karbonfangst og -lagring og hydrogen som vegar til ei vellukka grønt skifte.

(saka held fram under)

Bjørlo trur på gjennombrot
Det meiner Bjørlo er for passivt. Han påpeika at det er fleire grep som trengst for å kome i mål med det grøne skiftet, og at bølgjekraft er eitt av desse.

- Bølgjekraft står no ovanfor det gjennombrotet som har vore etterlyst. Det skjer både på grunn av teknologi, men også fordi bølgjekraft no har fått ein definert plass i den europeiske energistrategien.

Trakk fram lokalt selskap som eksempel
Når EU setter mål for produksjon, meiner Bjørlo at norske styresmakter også bør melde seg på i konkurransen. Han understreka at bølgjekraft ikkje har dei same industrielle kreftene i ryggen som til eksempel vindkraft.

Samtidig viste han til at det er norske selskap – som Havkraft frå Deknepollen – som er heilt i front i den teknologiske utviklinga. Selskapet er i desse dagar i gong med ei kapitalutviding. Planen er å levere det første anlegget til Svanøy Havbruk ved Florø neste år.