Vurderer sal av Nogva-konsernet

De tilsette i Nogva-konsernet blei torsdag informert om at eigarane vurdere å selje den familieeigde bedrifta med hovudkontor i Søvika, ifølgje Bygdebladet.

Konsernsjef og medeigar Kjell Norvoll fortel at det var viktig for leiinga å halde korta tett til brystet, slik at dei fekk orientert dei tilsette først.

– Fleire av eigarane har passert 67. Det finst sjølvsagt alternativ til å selje seg ut, men vi har kome til at ein slik prosess er den beste, etter ei grundig vurdering, seier han til Sunnmørsposten om kvifor dei vurderer å selje.

Nogva Motorfabrikk har fire dotterselskap og som ein del av el-satsinga kjøpt selskapet i fjor deler av Kongsberg Maritime sitt anlegg på Longva og overtok 40 av 125 tilsette.

Norvoll påpeiker at økonomien i selskapa er solid og at dei ikkje har hastverk med å finne ein ny eigar.

Konsernet tangerte i fjor nesten rekordinntektene frå 2021 – og betra samtidig lønnsemda kraftig.

Nogva Motorfabrikk har seks aksjonærar, der Nogva Norvoll Invest er størst med 50 prosent av aksjane. Nogva Norvoll Invest er eigd av Anne Nogva Norvoll og Kjell Norvoll.