Årets julepresang til fiskarane

- Her har vi julegåva til herøyveringane, fleipar høgskulelektor Kristian Fuglseth og viser til DVD´en med tittelen "Korrekt fangstbehandling ombord i fiskefartøy".
DVD´en er sett saman av ei rekkje korte instruksjonsfilmar om korleis fisken skal behandlast etter at den komen ombord i fiskebåten. I den store fiskerikommunen Herøy er det mange i målgruppa, og bodskapen i filmen er ingen fleip.

Milliontap

- Viss det blir gjort feil her så kan det føre til at båten får reklamasjonar for millionar av kroner, seier forskar Margareth Kjerstad i Møreforsking Marin.
Dårleg kvalitet gir og fare for tap i framtida.
- Viss du leverer fisk av dårleg kvalitet, så får du dårlegare pris, og taper renommè, seier Kjerstad.
Det er hennar forsking på behandling av fisk gjennom fleire år som ligg bak, DVD`en og nettsida . Instruksjonsfilmane er laga , medan nettsida er laga av Fuglseth og bachelorstudent Benjamin Alexander Ulstein.

Betydelege summar

Kjerstad seier det er vanskeleg å talfeste kor mykje fiskeflåten taper på å behandle fisken feil. men er sikker på at det er snakk om "betydlege" beløp.
Nettsida om korleis fangsten skal handsamast tek i første omgang for seg torsk og annan kvitfisk, og viser i ei rekkje korte filmsnuttar korleis ting skal gjerast.
Det mest vanlege feila som blir gjort er feil kapping av fisk, at fisken blir liggande for kort tid i utblødingstankane og at fisken får hardhendt behandling, som gir skader som først kjem til synes seinare.

Ville ha film

Filminga og utvikling av den nye nettsida er finansiert av Fiskeri- og havbruksnæringens forskningsfond (FHF), saman med SUROFI og VRI Møre og Romsdal. Idéen bak å engasjere Høgskulen i Volda og medie- og informasjonsmiljøet der er å lage eit opplegg som var meir effektivt enn tradisjonelle brosjyrer og lærebøker.
- Vi spurde ei rekke fiskarar korleis dei ville ha det. Dei ville ha korte videosnuttar, seier Fuglseth.
Nettsida er laga slik at du kan sjå videosnuttane like godt på mobil som på PC. Og vil du sjå fimsnuttane på TV, og er utan internettdekning , så er den også altså å få på DVD.

Vi ha levande side

Kjerstad anslår at det har kosta rundt ein million kroner å utvikle nettsida og lage dei korte instruksjonsvideoane.
I denne omgang har forskarane arbeidd med fangstbehandling av kvitfisk. Kjerstad håpar det blir råd å finansiere vidare drift av nettsida, slik at det blir ei levande side, der nye element kan leggast til.