Ekornes budde på å flytte produksjonen

Ein mogleg handelskrig kan tvinge Ekornes til store endringar i produksjonen.

Tine Hammernes Leopold, administrerande direktør i Ekornes, seier til Dagens Næringsliv at dei er budde på å flytte rundt på både produksjon og vareflyten dersom det blir full handelskrig.

Ekornes har fabrikkar i Noreg, Litauen, USA og Thailand, og eksporterer møblar til 48 land. USA er dei største enkeltmarknadene deira med milliardomsetning, men auka amerikansk toll kan endra dette biletet.

– Vi blir ramma, seier Leopold, og forklarer at selskapet kan måtta flytta produksjon mellom fabrikkane, avhengig av kvar tollmurane blir sette opp. 

Blir det innført amerikansk straffetoll på 25 prosent, må Ekornes vurdera å flytta produksjon frå Noreg til USA for å unngå kraftige prisaukar for kundane. Selskapet har allereie måtta gjera grep etter tollaukar mellom USA og Canada den siste tida.

Leopold seier at selskapet er oppteke av å behalda arbeidsplassane i Sykkylven, der 80 prosent av produksjonen går føre seg.

Ekornes er eigd av kinesiske investorar, noko som ifølgje Leopold gir fleksibilitet, også ved å kunna auka satsinga i Asia dersom handelen med USA blir for krevjande.

– Handelskrig har i botn og grunn berre taparar. Uvissa gjer det krevjande å planleggje, seier Leopold.