NPK-NTB: Olje- og energidepartementet godkjende tysdag utbyggingsplanen for Breidablikk-feltet i Nordsjøen. Feltet skal levere olje fram til 2044.
Det er anslått at det er mogleg å vinne ut 180 millionar fat olje frå feltet, som skal vere klart til start i 2024.
Feltet ligg omtrent 185 kilometer vest for Stavanger. Skal feltet gå i pluss, må oljeprisen minst vere på 31,7 dollar, skriv E24.
Prosjektet består av eit omfattande undervassanlegg som skal knytast til Grane-plattforma, som snart har produsert i 20 år.
Dei som har rettane, er Equinor (operatør), Petoro, Vår Energi og ConocoPhillips Skandinavia. Equinor opplyser i ei pressemelding at rundt 70 prosent av kontraktane vil gå til leverandørar i Noreg.
Publisert: 30.06.2021 06:50
Sist oppdatert: 30.06.2021 06:53
