Taper tillit

NPK-NTB: Nordmenns tillit til stortingspolitikarane har gått ned etter avsløringane i haust rundt pendlarbustadene.

I ei undersøking Norstat har utført for Aftenposten svarer 65 prosent at dei har mindre tillit til norske politikarar etter pendlarbustad-avsløringane i haust.

Éin av fem – heile 20 prosent – svarar at dei har fått «mykje mindre tillit» til politikarane som følgje av sakene. Nesten halvparten – 45 prosent – svarar at dei har fått «litt mindre tillit».

Stortinget eig 143 leilegheiter i Oslo sentrum som skal dekkje eit reelt pendlarbehov for stortingsrepresentantar. Aftenposten har i haust avdekt store svakheiter ved kontrollen av ordninga. Avisa har òg avslørt at politikarar har fått stortingsleilegheit på feil grunnlag eller i strid med intensjonen.